Министрлик мектепте окуучу сабалганын тастыктады

Агартуу министрлиги мектеп окуучусу сабалды деген маалыматты тастыктады.

Маалыматта белгиленгендей, окуя быйыл 29-майда Жети-Өгүз районундагы жеке менчик "Кут Билим" окуу-тарбия комплексинде болгон. Факт боюнча Ички иштер министрлиги тарабынан териштирүү иштери жүрүп жатат. Ошондой эле окуучулардын ата-энелери менен түшүндүрүү иштери жүргүзүлгөн. Окуядан кийин мурдагы директор кызматынан бошотулуп, билим берүү уюмуна жаңы директор дайындалган.

Буга чейин соцтармактарда бир окуучу башка окуучу баланы уруп жатканы тартылган видео тараган.

Автор: Кылымбек Бейшеев