Алтай бийлигине Манастын эстелигин тургузуу сунушу берилди

Мамлекеттик катчы Арслан Койчиев Орусиянын Алтай жергесинде Манастын эстелигин тургузууну сунуш кылганын билдирди.

Ал Facebook баракчасына жазгандай, буга Алтайдын өкмөт башчсы Александр Прокопьев макул болгон.

"Кол алыштык. Бул ишти Чыңгыз Айтматовдун 100 жылдыгын белгилөө иш-чараларынын алкагында аткаралы дедик. Анткени Чыңгыз Айтматов Манасты аздектеген, андан шык алган. Айкелди жасоо эл аралык сынак аркылуу жүргүзүлсө, ага Даши Намдаков, Андрей Осташов сындуу замандын таланттуу скульпторлору да катышса деген пикирди билдирдим",- деп жазды мамлекеттик катчы.

Автор: Кылымбек Бейшеев