Футбол-2026: Испаниянын футболчусу Мерино жеңиш голунан кийин атасынын ыкмасын кайталады

Испания курамасынын жарым коргоочусу Микель Мерино Дүйнө чемпиондугунун чейрек финалындагы жеңиш голунан кийин атасынын өзгөчө майрамдоосун кайталады.

Мерино 88-мүнөттө Белгиянын дарбазасына жеңиш голун киргизип, Испанияга 2:1 эсебинде жеңиш алып келди жана команданы жарым финалга чыгарды. Ал голдон кийин бурчтагы желекти айланып чуркап, 1991-жылы атасы Анхель Мерино "Осасуна" клубунда ойноп жүргөндө жасаган ыкмасын кайталады.

Мындан тышкары Микель Мерино Дүйнө чемпиондугунун тарыхында плей-оффтун катары менен болгон эки оюнунда алмашуудан кийин чыгып, жеңиш голун киргизген биринчи футболчу болду. Буга чейин ал Португалияга каршы 1/8 финалда да оюнга кошулуп, 90+1-мүнөттө жеңиш голун жаратты.

Эми Испания Дүйнө чемпиондугунун жарым финалында Франция менен беттешет.

Автор: Замира Ниязбекова