“Аль-Наср” футбол клубун жетектеген Жорже Жезуш Португалияга машыктыруучу болду

Португалия футбол федерациясы 71 жаштагы адис Жорже Жезуш улуттук курама команданын жаңы башкы машыктыруучусу болуп дайындалганын жарыялады.

Жезуш бул кызматта испаниялык Роберто Мартинести алмаштырды. Мартинес Португалия быйылкы Дүйнө чемпиондугунун 1/8 финалында Испаниядан 0:1 эсебинде утулгандан кийин кызматтан кетти.

Жаңы машыктыруучу буга чейин Сауд Арабиясынын “Аль-Наср” клубун жетектеп, командага өлкө чемпиондугун жеңүүгө жардам берген. Бул клуб Криштиану Роналду командага кошулгандан кийин алгачкы жолу чемпиондукка жетишкен.

Жорже Жезуш буга чейин “Аль-Хиляль”, “Фенербахче”, “Фламенго”, ошондой эле Португалиянын “Спортинг” жана “Бенфика” клубдарын машыктырган. “Бенфика” менен ал үч жолу Португалия чемпиону болуп, өлкө кубогу жана супер кубогун жеңген.

Автор: Замира Ниязбекова