Садыр Жапаров Катардын учурдагы эмирине жана элине көңүл айтты

Президент Садыр Жапаров Катар мамлекетинин эмири шейх Тамим бин Хамад Аль Таниге атасы, мурдагы эмири шейх Хамад бин Халифа Аль Танинин дүйнөдөн кайткандыгына байланыштуу көңүл айтты. Бул тууралуу өлкө башчысынын басма сөз кызматы билдирди.

Мамлекет башчысы телеграммасында маркум шейх Хамаддын Катар мамлекетинин өнүгүшүнө, элдин бакубат жашоосуна жана өлкөнүн эл аралык аброюнун жогорулашына кошкон зор салымын белгиледи.

"Шейх Хамад өзүнүн даанышмандыгы, камкордугу жана боорукердиги менен ар дайым дүйнөгө үлгү болуп кала берет. Анын жалпы адамзат үчүн жасап кеткен бардык асыл эмгектери ар дайым эсибизде түбөлүккө сакталат.

Улуу даражалуу, сизге жана Катар мамлекетинин боордош элине жеке өзүмдүн жана кыргыз элинин атынан терең кайгыруу менен көңүл айтып, аза кайгыңыздарды тең бөлүшөм”, - деп айтылат мамлекет башчысынын телеграммасында.

Автор: Замира Ниязбекова