Катардын мурдагы эмири 74 жашында көз жумду

Катардын мурдагы эмири шейх Хамад бин Халифа Аль Тани 74 жаш курагында дүйнөдөн кайтты. Бул тууралуу чет элдик басылмалар жазышууда.

Маалым болгондой, ал 1995–2013-жылдары Катарды башкарып, дүйнөдөгү таасирдүү башчылардын бири болгон. 2013-жылы шейх Хамад бийликти өз ыктыяры менен уулу, азыркы эмир Тамим бин Хамад Аль Таниге өткөрүп берген.

Өлкөдө төрт күндүк аза күтүү жарыяланды. Мамлекеттик желектер түшүрүлүп, 13-июлдан тарта министрликтердин, өкмөттүк мекемелердин жана башка мамлекеттик органдардын иши убактылуу токтотулду.

Коштошуу зыйнаты бүгүн, 12-июль күнү кечинде Дохадагы Имам Мухаммед бин Абдул Ваххаб атындагы мечитте өтөт. Андан соң анын сөөгү Лусаил шаарындагы көрүстөнгө жерге берилет.

Автор: Замира Ниязбекова