Эми "Менин шаарым" тиркемесинде түнкү каттамдар көрсөтүлөт

"Менин шаарым" мобилдик тиркемесинде жаңы "Түнкү каттамдар" функциясы ишке кирди.

Ал түнкү убакта коомдук транспорттун иши тууралуу маалыматты тез жана ыңгайлуу алууга мүмкүнчүлүк берет.

Жаңы бөлүмдө колдонуучулар түнкү убакта каттаган автобус каттамдарынын тизмеси менен таанышып, өзүнө ыңгайлуу багытты тандай алышат. Учурда №3, 13, 16, 19, 35, 45 жана 55 автобустар түнкү каттамдарды аткарышат.

Кызматты колдонуу үчүн "Менин шаарым" тиркемесин ачып, "Транспорт" бөлүмүнө өтүп, андан кийин "Түнкү каттамдарды" тандоо зарыл.

Автор: Айжанар Рыспек кызы