Манас шаарында курулуп жаткан спорт комплексинин сметалык наркы кайра каралды (видео)

Манас шаарындагы борбордук спорт сарайынын курулушу 2025-жылы башталып, жалпы сметалык наркы 3 миллиард сомдон ашык экендиги аныкталган. Буга байланыштуу президенттин тапшырмасына ылайык, долбоордун сметалык эсептери кайра каралып, наркы такталган.

Курулуш министрлигинен маалымдашкандай, натыйжада курулуштун жалпы сметалык наркы 2,6 миллиард сомду түзгөн. Муну менен 479 миллион сом бюджеттик каражат үнөмдөлдү. Учурда долбоор республикалык бюджеттин эсебинен каржыланууда.

Башкы планга ылайык, спорт комплексинин жалпы аянты 2,5 гектарды түзүп, 5200 көрүүчүгө ылайыкталган.