Футбол-2026: ФИФА Аргентинаны саясий баннер үчүн айыпка жыгышы мүмкүн

ФИФА Аргентина курама командасына айып пул салышы мүмкүн. Бул тууралуу BBC маалымдады.

Маалыматка ылайык, курама Дүйнө чемпиондугунун жарым финалында Англияны 2:1 эсебинде жеңгенден кийин, айрым футболчулары жеңишти майрамдап жатып, "Мальвин аралдары - Аргентинаныкы" деген саясий мазмундагы баннерди көтөрүп чыгышты. Бул окуяга байланыштуу ФИФА тартиптик чара көрүп, Аргентинага айып пул салышы ыктымал.

Айта кетсек, Мальвин (Фолкленд) аралдарын Аргентина менен Улуу Британия көп жылдан бери талашып келет. Учурда бул архипелаг Улуу Британиянын карамагында. 1982-жылы эки өлкөнүн ортосунда Фолкленд согушу болуп, анын жыйынтыгында Аргентина жеңилүүгө дуушар болгон.

Автор: Замира Ниязбекова