Жыл башынан бери 7 миң үй-бүлө менен социалдык келишим түзүлдү

Эмгек министрлигинин маалыматына ылайык, жыл башынан бери республика боюнча 7042 үй-бүлө менен социалдык келишим түзүлдү.

Программанын басымдуу бөлүгү айыл чарба тармагында ишке ашырылууда.

Долбоордун катышуучуларынын көпчүлүгүн айыл жергесинде жашаган аялдар түзөт.

2026-жылы программага 13 334 аз камсыз болгон жана жакыр үй-бүлө катыша алат. Алардын ар бири өзүнүн бизнес-долбоорун ишке ашыруу үчүн 150 миң сом өлчөмүндө кайтарымсыз мамлекеттик колдоого ээ болот.

Мындан тышкары, министрлик "Социалдык келишим" долбоорунун катышуучулары үчүн пайызсыз насыя берүү программасын ишке ашырууда. Жыл башынан бери 150 адам жеңилдетилген насыя алган.