Ошто Айтиев көчөсү толугу менен жаңыланды

Бүгүн, 19-июлда Ош шаарында Айтиев көчөсүнүн Руставели көчөсүнөн Алымбек датка көчөсүнө чейинки бөлүгү капиталдык оңдоп-түзөөдөн өткөрүлүп, пайдаланууга берилди.

Ачылыш аземге калаа мэри Жанарбек Акаев, тиешелүү мекеме-ишканалардын жетекчилери жана шаар тургундары катышышты.

Долбоордун алкагында жалпы узундугу 1305 метр, туурасы 24 метр болгон жолго калыңдыгы 12 сантиметр жаңы асфальт-бетон катмары төшөлдү. Ошондой эле көчөнүн эки тарабына жалпы узундугу 3400 метр жаңы тротуарлар курулуп, ирригациялык лотоктор орнотулуп, заманбап жол чиймелери түшүрүлүп, жол белгилери жаңыртылды.