Өскөн-Ордо конушунда 750 орундуу жаңы мектеп курулууда

Бишкек шаарындагы Өскөн-Ордо конушунда 750 окуучуга ылайыкталган заманбап мектептин курулушу жүрүп жатат. Бул тууралуу Курулуш министрлигинен билдиришти.

Курулуш иштери 2026-жылдын февраль айында башталган.

Учурда мектеп имаратынын чатыры толугу менен жабылып, ички жасалгалоо жана инженердик коммуникацияларды орнотуу иштери кызуу уланууда.

Жаңы билим берүү мекемеси пайдаланууга берилгенден кийин конуштагы окуучу орундардын тартыштыгын азайтып, балдардын заманбап шартта билим алуусуна мүмкүнчүлүк түзөт.

Автор: Айзада Кыдырмышева