ЖРТдан эң жогорку балл алгандарга президенттин сыйлыгы тапшырылды

Бишкектеги Ынтымак Ордодо министрлер кабинетинин төрагасы Адылбек Касымалиев жалпы республикалык тестирлөөдө (ЖРТ) эң жогорку балл алган мектеп бүтүрүүчүлөрүнө "Президенттин сыймыгы" сертификаттарын тапшырды.

Өкмөттүн маалымат кызматы кабарлагандай, иш-чарага 54 Алтын сертификаттын ээлери, ошондой эле аймактардан ЖРТдан жогорку балл алган 20 бүтүрүүчү катышты. Министрлер кабинетинин төрагасы президенттин куттуктоосун окуп берип, бүтүрүүчүлөргө мамлекет башчынын атынан эстелик белектерди тапшырган.

Автор: Кылымбек Бейшеев
Фото: Министрлер кабинети