Таиланддан баңгизат ташып келүүгө шектелгендер кармалышты

Таиланддан баңгизат ташып келүүгө шектелип 46 жана 37 жаштагы жарандар кармалышты. Бул тууралуу Ички иштер министрлиги билдирди.

Маалыматка ылайык, шектүүөрдүн жанынан жалпы салмагы 7 килограмм 560 граммды түзгөн марихуана баңгизаты табылган. Баңгизаттын көмүскө базардагы баасы 400 миң доллардан ашмак.

Тергөөдө баңгизат партиясы Казакстанга мыйзамсыз өткөрүлмөктүгү аныкталган. Бул факт боюнча Кылмыш-жаза кодексинин 282-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) менен кылмыш иши козголгон.

Учурда бул кылмышка тиешеси бар башка адамдарды аныктоо иштери жүрүүдө.