Ошто мамлекетке 78,6 миллион сом зыян келтирилгени аныкталды

Ош шаарында мамлекетке 78 миллион 600 миң сом зыян келтирилгени аныкталды. Бул тууралуу Башкы прокуратура билдирди.

Маалымдалгандай, мэрия кум-шагыл аралашмасын жана чопо топурагын казып алууга укук берүүчү 33 күбөлүктү мыйзамсыз берген жана Жапалак айылдык аймактык башкармалыгынын кызмат адамдары жайыт жерлерин жасалма токтомдордун негизинде жеке жактарга өткөргөн.

Натыйжада Кылмыш-жаза кодексинин 337-беренеси (Кызмат абалынан кыянаттык менен пайдалануу) боюнча 3 кылмыш иши козголуп, тергөө иштери жүрүүдө.

Автор: Кылымбек Бейшеев
Фото: Башкы прокуратура