Чукул билдирүү: Бишкек менен Чүйдө катуу шамал күтүлүүдө

Бүгүн, 23-июлда жакынкы үч саат аралыгында жана кечинде Бишкек шаарында жана Чүй өрөөнүндө күн күркүрөшү, катуу шамал күтүлүүдө.

ӨКМден маалымдашкандай, түштүк-батыштан соккон шамалдын ылдамдыгы секундуна 15-20 метрге жетиши күтүлөт. Министрлик жарандарды төмөнкү коопсуздук эрежелерин сактоого чакырат:

Зарыл болбосо сыртка чыкпоо;
Дарактардын, электр мамыларынын жана жарнамалык конструкциялардын жанында турбоо;
Унааларды бак-дарактардын жана кооптуу объекттердин алдына токтотпоо;
Кооптуу кырдаал жаралса, 112 кызматына кабарлоо.

Автор: Меерим Кабылова