Данияр Амангелдиев: "Чет элдиктерди чыгаруу каралып жатат"

Мыйзам бузган чет өлкөлүк мигранттарды өлкөдөн чыгаруу каралып жатат. Бул тууралуу министрлер кабинетинин төрагасынын орун басары Данияр Амангелдиев "Азаттыкка" курган маегинде билдирди.

Ал өлкөдө эмгектенип жаткан чет элдиктин баары эле тартип бузбаганын белгилеп, бул маселени саясатташтырбоого чакырды.

"Биздин деле башка жакта жүргөн жарандарыбыздын мыйзам бузуп, ал жактан чыгарылып калып жаткандарын угуп жатпайбызбы. Башка жактан келген жарандар биздин мамлекеттин мыйзамдарын сакташы керек. Биз элчиликтер менен сүйлөшүүлөрдү жүргүзүп жатабыз. Миграциядан коркпошубуз керек. Биздин жумушчу күч жетпегендиктен сырттан алып келүүгө муктажбыз",- деди министр.