Иран АКШнын ок атышууну токтотуу сунушун четке какты

Бүгүн, 24-июлда Иран АКШнын президенти Дональд Трамптын ок атышууну токтотуу боюнча сунушун четке какты. Бул тууралуу The New York Times басылмасы өз булактарына таянып жазды.

Маалыматка ылайык, Тегеранды Ормуз кысыгын көзөмөлдөө маселесин чечпеген убактылуу келишим кызыктырбайт. Бул сүйлөшүү үстөлүндөгү АКШ тарабынан сунушталган жалгыз вариант болгон.

Сүйлөшүүлөр жүрүп жаткан учурда Трамп, эгер макулдашуу болбосо, аскердик аракеттерди кеңейтүү мүмкүндүгүн айтып, көпүрөлөр жана электр станциялары сыяктуу маанилүү инфраструктураларга сокку урулушу мүмкүн экенин билдирген.

Ошол эле учурда АКШнын Иранга жасаган соккулары уланууда. Бендер-Аббас порт шаарында жардыруулар болуп, электр энергиясы үзгүлтүккө учурап, бир нече адам жабыркаган.

Автор: Үммүгүлсүн Кеңешбекова