Кыргызстандан 450дөн ашуун чет элдик жаран чыгарылды (видео)

Кыргызстанда миграциялык мыйзамдарды бузган 450дөн ашуун чет өлкөлүк жаран соттордун чечими менен өлкөдөн чыгарылды. Бул тууралуу Бишкек шаардык милициясынан маалымдашты.

Берилген маалыматка ылайык, 7900дөн ашуун чет өлкөлүк жаран административдик жоопкерчиликке тартылып, аларга жалпы суммасы 65 миллион сомдон ашык айып пул салынган. Ошондой эле 39 адам кылмыш-жаза жоопкерчилигине тартылган.

Мындан тышкары, чет өлкөлүк жарандарды ишке тартуу менен алектенген бир катар уюмдарга өлкө мыйзамдарынын талаптарын бузгандыгы үчүн административдик чаралар көрүлүп, айып пулдар салынган.