Киевде жана Украинанын көпчүлүк облустарында кайрадан аба кооптуулугу жарыяланды

Киевде жана Украинанын көпчүлүк аймактарында кайрадан аба кооптуулугу жарыяланды. Бул тууралуу Украинанын Санариптик трансформация министрлигинин онлайн картасында маалымдалды.

Маалыматка ылайык, аба сигналы Киев шаарында, ошондой эле Киев, Житомир, Винница, Чернигов, Сумы, Полтава, Кировоград, Одесса, Николаев, Днепропетровск жана Харьков облустарында жарыяланган.

Буга чейин жума күнү күндүз Киевде да аба сигналы жаңырып, андан соң жергиликтүү ЖМКлар шаарда бир нече жардыруу болгонун кабарлашкан.

Автор: Айзада Кыдырмышева