Аттын үстүндө уктап жаткан баланын видеосу көпчүлүктү суктандырды (видео)

Казакстанда кичинекей баланын атты кучактап, анын үстүндө уктап жаткан видеосу интернет айдыңында кеңири тарады.

Кадрлардан бала аттын үстүнө жатып алып уктап жатканы, ал эми жаныбар болсо аны тынчсыздандырбай, жайбаракат жатканын көрүүгө болот. Жылуу жана өзгөчө көз ирмем тартылган видео кыска убакытта жүз миңдеген көрүү топтогон.

Колдонуучулар видеого суктанып, аттар абдан акылдуу жана сезимтал жаныбар экенин белгилешкен. Айрымдары аттын баланын абалын сезип, анын уйкусун бузбай тынч жатканын жазышкан.

Көпчүлүк бул кадрларды адам менен жаныбардын ортосундагы ишенимдин, мээримдин жана өзгөчө байланыштын мисалы катары баалашкан.