Иран АКШ менен Сауд Арабиясынын Ирактагы соккуларын айыптады

Ирандын Тышкы иштер министрлиги АКШ менен Сауд Арабиясынын Ирактагы бир катар аймактарга жасаган соккуларын кескин айыптады.

Тегерандын билдирүүсүндө соккулар мамлекеттик мекемелерге жана зыярат жайларына багытталгандыгы белгиленип, бул аракеттер Ирактын аймактык бүтүндүгүнө ачык кол салуу катары бааланганы айтылды.

Ирандын ТИМи мындай чабуулдар Жакынкы Чыгыштагы аскердик жаңжалды мындан ары күчөтүүгө багытталганын белгилеп, алар АКШ менен Израилдин аймактагы тирешүүнү кеңейтүү аракеттерине шайкеш келерин билдирди.

Автор: Айзада Кыдырмышева