Улуттук банк 4 акча алмаштыруучу жайдын лицензиясын токтотту

Улуттук банк өткөн аптада мыйзам талаптарын бузган жарандарга жана акча алмаштыруучу жайларга карата бир катар чараларды көрдү.

Маалымдалгандай, Ысык-Көл облусундагы 4 жаранга Жалал-Абад облусундагы 2 жаранга өлкө мыйзамдарын жана Улуттук банктын талаптарын бузгандыгы үчүн ар бирине 17 миң 500 сомдон айып пул салынды.

Ысык-Көл облусунда лицензиясы жок накталай чет элдик валютаны алмаштыруу менен алектенген дагы бир жаранга 17 миң 500 сом айып салынды.

Ошондой эле Бишкек шаарындагы "Арча Моней", "Аника", "Гранд Кэш", "Престиж Мани А" акча алмаштыруучу жайларынын лицензиялары убактылуу токтотулду.

Автор: Меерим Кабылова