Ормуз кысыгында бир ай ичинде Катардын экинчи танкери жабыркады

Ормуз кысыгынан чыгып бара жаткан GasLog Shanghai суюлтулган жаратылыш газын (СЖГ) ташыган танкерине снаряд тийип, ал жабыркады. Бул акыркы бир айдагы ушундай экинчи окуя болуп калды.

Кеме ээси GasLog экипаж толугу менен аман экенин, танкер туруктуу абалда экенин билдирди. Кеме Катарда СЖГ жүктөп, кысыктан чыгып бара жаткан учурда чабуулга кабылган.

Ошол эле маалда QatarEnergy газ жеткирүүлөрүнө байланыштуу форс-мажор режимин дагы үч партияга узартты. Жалпысынан сентябрга чейин 24 каттамга чектөө киргизилген. Окуядан кийин деңиз аркылуу ташууларды камсыздандыруу баасы да жогорулады.

Автор: Айзада Кыдырмышева