Лондондо 155 жылдан бери биринчи жолу бир ай бою жаан жааган жок

Лондондун түштүк-батышындагы Кью падышалык ботаникалык багында жайгашкан метеостанция 155 жылдан бери биринчи жолу календардык ай ичинде бир да жаан-чачын катталбаганын белгиледи. Бул тууралуу Semafor жазды.

Синоптиктердин айтымында, Улуу Британияда кургакчылыкты токтотууга жетиштүү болгон узакка созулган жана мол жаан-чачын жакын арада жаашы күмөн.

Буга чейин Улуу Британиянын Метеорология кызматы 2026-жылдын июлу Англия менен Уэльсте байкоолор тарыхындагы эң кургак экинчи жай айы болгонун билдирген. Узакка созулган кургакчылык жана жогорку температура айрым айыл чарба продукцияларын импорттоого мажбурлап, өлкө ичинде азык-түлүк бааларынын өсүшүнө алып келген.

Автор: Айзада Кыдырмышева