Депутаттар кыргыз-тажик чек арасындагы курулуш иштерин көрүштү

Жогорку Кеңештин төрагасынын орун басары Болот Ибрагимов жана депутат Чынгыз Ажибаев Баткен облусунун Лейлек районуна барып, кыргыз-тажик мамлекеттик чек арасындагы инженердик курулуш иштеринин жүрүшү менен таанышты. Бул тууралуу Жогорку Кеңештин басма сөз кызматынан билдиришти.

Маалыматка ылайык, эл өкүлдөрү чек араны бекемдөө мамлекет үчүн стратегиялык мааниге ээ экенин белгилеп, бул ишке катышкан аскер кызматкерлерине ыраазычылык билдиришти.

Иш сапардын жүрүшүндө инженердик жумушчу топтордун мүчөлөрүнө Жогорку Кеңештин атынан Ыраазычылык каттар тапшырылды.

Автор: Айзада Кыдырмышева