Ким Чен Ындын карындашы Японияга катуу эскертүү берди

Бүгүн, 5-августта Ким Чен Ындын карындашы Ким Ё Чжон Япониянын аскердик потенциалын мындан ары өнүктүрүүсүнө жол бербей турганын жана ага жооп иретинде кошумча аскердик чараларды көрөрүн билдирди. Бул тууралуу чет өлкөлүк маалымат агенттиктери кабарлашты.

Ал Япониянын Тынч океанда алыс аралыкка учуучу "Tomahawk" канаттуу ракеталарын сыноосун сынга алып, Токионун аскердик мүмкүнчүлүктөрүн кеңейтүүсү коңшу өлкөлөргө, анын ичинде Түндүк Кореяга коркунуч жаратарын белгилеген.

Ким Ё Чжон өлкөсүнүн куралдуу күчтөрү Япониянын аскердик саясатына байланыштуу "кошумча аскердик чечимдерди" кабыл аларын эскертти.

Автор: Үммүгүлсүн Кеңешбекова