Канадалык инженер учуучу кол чатыр жасады (видео)

Канадалык инженер жана блогер Джон Цзе жасалма интеллект технологиясын колдонуп, адамды автоматтык түрдө ээрчиген учуучу кол чатыр-дрон жасады. Бул тууралуу чет өлкөлүк маалымат каражаттары маалымдашты.

Аппарат камералар жана сенсорлор аркылуу адамды таанып, анын үстүндө өз алдынча учуп жүрөт. Алгачкы үлгүлөрү пульт менен башкарылса, акыркы прототип автономдуу иштейт.

Бирок дрондун бир катар кемчиликтери бар:

Катуу шамалда туруксуз;
Пропеллерлери катуу ызы-чуу чыгарат;
Батареясы 20-30 мүнөттө гана иштейт.

Аппарат азырынча сатыкка чыга элек, ал сыноодон өтүп жатат.