Никол Пашинян кыргыз ырына видео тартты (видео)

Бүгүн, 7-августта Армениянын премьер-министри Никол Пашинян Кыргызстанда жүргөн учурда Instagram баракчасына кыргыз рэп ырчысы Улукманапонун ыры коштолгон видео жарыялады.

Ал видеого "Кутман таң, күнүңүздөр жакшы өтсүн. Баарыңыздарды жакшы көрөм" деп жазып, колу менен "жүрөк" белгисин көрсөткөн.

Белгилей кетсек, Пашинян Кыргызстанга Евразиялык өкмөттөр аралык кеңештин кезектеги жыйынына катышуу үчүн келген.

Бүгүн, 7-августта Чолпон-Атада Пашинян менен президент Садыр Жапаров жолугушуп, эки тараптуу мамилелерди өнүктүрүүнүн актуалдуу маселелерин талкуулашты.