Түркия, Сауд Арабиясы жана Пакистан коргонуу келишимине кол коюшат

Бүгүн, 7-августта Түркия, Сауд Арабиясы жана Пакистан Жиддада үч тараптуу коопсуздук келишимин түзүүнү көздөп жатканын Anadolu агенттиги өз булактарына таянып билдирди.

Агенттиктин маалыматы боюнча, Түркиянын президенти Режеп Тайип Эрдоган 7-августта падышачылыкка бир күндүк сапар менен жөнөп кеткен. Ал Сауд Арабиясынын мураскер ханзаадасы Мухаммед бин Салман жана Пакистандын премьер-министри Шахбаз Шариф менен жолугушат.

Исламабад менен Эр-Рияд көптөн бери экономикалык жана коргонуу мамилелерин сактап келишкен. 2025-жылдын сентябрь айында Пакистандын премьер-министри жана Сауд Арабиясынын мураскер ханзаадасы стратегиялык коргонуу келишимине кол коюшкан, бул падышачылыкка Пакистандын өзөктүк куралына жетүү мүмкүнчүлүгүн бериши мүмкүн.

Автор: Кылымбек Бейшеев