Бишкекте эс алуу жайларында рейд жүрүүдө (видео)

Бишкек шаарында тынчтыкты жана коомдук тартипти сактоо боюнча профилактикалык иш-чаралар өткөрүлүүдө. Ага калаа милициясы жана Кайгуул кызматынын кызматкерлери катышууда.

Иш-чаралардын жүрүшүндө милиция кызматкерлери борбордогу бир катар түнкү жана көңүл ачуучу жайларга барып, алардын ээлери жана кызматкерлер менен түшүндүрүү иштерин жүргүзүштү.

Анда түнкү убакта тынчтыкты сактоо, катуу музыка коюуга, ызы-чууга жана жарандардын тынчтыгын бузган башка аракеттерге жол бербөө зарылдыгы белгиленди.

Көңүл ачуучу жайлардын өкүлдөрүнө коомдук тартипти имараттын ичинде гана эмес, ага жакын аймакта да сактоо зарылдыгы айтылды.