Месси атасынын тажиясында үй-бүлөсүн жашыруун сүрөткө тарткан журналисттерди сотко бермекчи

Футбол жылдызы Лионель Месси атасын акыркы сапарга узатуу аземинде үй-бүлөсүн жашыруун сүрөткө тарткан журналисттерди сотко берүүгө ниеттенүүдө.

Айрым журналисттер Мессинин үй-бүлөсүнүн кайгыга баткан учурун жашыруун сүрөткө тартуу үчүн бак-дарактардын артына жашынышкан. Бул тууралуу журналист Фран Касаретто жазды.

Анын айтымында, айрым басылмалар уруксат берилбеген аракеттерге барып, футболчунун жакындарын атасынын сөөгүн узатуу аземинде сүрөткө тартышкан.

Лионель Месси бул окуяга байланыштуу журналисттерди сотко берүүнү көздөөдө.

Автор: Айзада Кыдырмышева