Издөөдөгү өзбекстандык бир туугандар Баткенден кармалышты

Кадамжай районунда Өзбекстандын жарандары алдамчылыкка шектелип кармалышты. Бул тууралуу Баткен облустук милициясы билдирди.

Маалыматка ылайык, шектүүлөр 2021-жылы Ак-Турпак айылынын тургундарын "пластик терезе жасап беребиз" деген убада менен алдап кетишкен. Жабырлауучулар жалпы 122 миң сом зыянга учурашкан.

Бул факт боюнча Кылмыш-жаза кодексинин 209-беренеси (Алдамчылык) менен кылмыш иши козголуп, шектүүлөргө 2023-жылы издөө жарыяланган. Үч жылдан кийин өзбекстандык бир туугандар колго түшүшкөн. Учурда тергөө иштери жүргүзүлүүдө.

Автор: Кылымбек Бейшеев
Фото: Баткен ОИИБ