Колумбияда жер титирөөдөн каза болгондордун саны 250гө жетти

Колумбияда жер титирөөдөн каза болгондордун саны 250гө жетти. Бул тууралуу Reuters агенттиги билдирди.

Айрым маалыматтар боюнча, Перейра шаарында 101, Кали шаарында 95 адам каза болсо, калгандары башка аймактарда. Мындан тышкары, өлкөнүн бир катар аймактарында байланыш үзүлүп, электр энергиясы жана башка коммуналдык кызматтар иштебей калган.

Миңдеген тургундар үйлөрүнөн ажырап, көчөдө калууга аргасыз болушкан. Куткаруучулар урандылардын арасынан аман калгандарды издөө иштерин улантышууда.

Жабыркаган аймактардын айрымдарына жетүү кыйын болгондуктан, курман болгондордун так саны дагы өсүшү мүмкүн. Өлкөдөгү кырсыктын толук кесепеттерин аныктоого бир нече күн талап кылынары айтылууда.

Эскерте кетсек, 10-августта Колумбияда 7,4 баллга жеткен жер титирөө катталды. Табигый кырсыктан үйлөр, ооруканалар жана башка инфраструктуралар жабыркаган.