Балдарга сөөк чучугун трансплантациялоо үчүн жаңы жабдуулар алынды

Эне жана баланы коргоо улуттук борборуна 24 миллион сомдон ашык суммага аферез аппараты жана экстракорпоралдык фотоферез системи тапшырылды. Жабдуулар "Ас-Сафа" коомдук кайрымдуулук фонду тарабынан берилди. Бул тууралуу бүгүн, 12-августта Саламаттык сактоо министрлиги билдирди.

Маалым болгондой, жабдуулар оор онкологиялык жана гематологиялык оорулар менен жабыркаган балдарга сөөк чучугун трансплантациялоодо колдонулат.

"Жыл сайын Кыргызстанда 20-30 бала мындай трансплантацияга муктаж болот. Учурда борбордо трансплантация үчүн атайын бөлүмдү оңдоо иштери да аяктап жатат",- деп белгиленген маалыматта.

Автор: Замира Ниязбекова