Канье Уэсттин Алматыдагы концерти коопсуздук себептеринен улам жылдырылды

Америкалык рэпер Канье Уэсттин 14-августка Алматыдагы Борбордук стадиондо белгиленген концерти коопсуздук маселелерине байланыштуу кийинкиге жылдырылды.

Уюштуруучулардын маалыматына караганда, концерт 15-август, ишемби күнү өтөт.

Канье Уэст Алматыда дүйнөлүк турнесинин алкагында концерт бермек. Бул шаардагы анын алгачкы ири стадиондук шоусу болмок.

Буга чейин концерттик сахнаны орнотуу жана демонтаждоо стадиондун газонуна зыян келтириши мүмкүн деген кооптонуу болгон.

Ал эми концерт өтө турган күнү Алматыда электр жарыгынын өчүшү, катуу шамал жана нөшөрлөгөн жаан катталды.

Автор: Айзада Кыдырмышева