Дүйнөдөгү эң өзгөчө мөмөлөрдү билип алыңыз

Дүйнөдө көпчүлүк көрө элек, сырткы көрүнүшү жана даамы менен айырмаланган өзгөчө мөмөлөр бар. Алардын айрымдары кадимки мөмөлөргө окшошпойт, ал эми кээ бирлеринин даамы башка азыктарды элестетет.

1) Рамбутан - сырты кызыл түстөгү жумшак тикенектер менен капталган тропикалык мөмө. Ичи ак жана ширелүү болуп, даамы жүзүмгө окшош.

2) Питахайя, же ажыдаар мөмөсү - сырткы көрүнүшү менен өзгөчөлөнөт. Анын кызгылт кабыгынын астында ак же кызыл түстөгү жумшак мөмө жана майда кара уруктар бар.

3) Кивано - сырты майда "мүйүздөр" менен капталган сары-кызгылт мөмө. Ичи жашыл, желе сымал болуп, даамы бадыраң менен цитрустун аралашмасын элестетет.

4) Мангостин - калың кочкул кабыгынын ичинде ак, бөлүкчөлөргө бөлүнгөн ширелүү мөмөсү бар. Анын даамы таттуу жана бир аз кычкыл.

Мындай мөмөлөрдүн көбү тропикалык жана субтропикалык аймактарда өсөт. Айрымдары сейрек кездешкендиктен, дүйнөнүн көп өлкөлөрүндөгү супермаркеттерден табуу кыйын.

Автор: Үммүгүлсүн Кеңешбекова