Өкмөт санкция тобокелдигинен улам 19 компанияны жабат

Экономика министрлиги эл аралык санкциялык режимдерди сактоо саясатты боюнча кеңешме болуп өткөнүн кабарлады.

Маалымдалгандай, жыйында Батыш өлкөлөрүнүн Орусияга каршы санкцияларын кыйгап өтүүгө байланыштуу болушу мүмкүн делген дагы 19 компанияны күч менен жабуу чечими кабыл алынган. Мындай чектөөлөрдү кыйгап өтүүгө байланышы болушу мүмкүн делген тизмеге 40 компания кирген. Калгандарына текшерүү иштери жүрүүдө.

Эске салсак, май айында санкциялык тобокелдиктери жогору болгон операцияларга аралашкан делип 50 компаниянын иши токтотулган.

Автор: Кылымбек Бейшеев