Ошто мамлекеттик чек арадан мыйзамсыз өткөн жарандар кармалды

Ош облусунун Кара-Суу районунда мамлекеттик чек араны мыйзамсыз өткөн үч чет өлкөлүк жаран кармалды. Бул туурлуу бүгүн, 19-августта облстук милициядан билдиришти.

Маалым болгондой, алар чек араны мыйзамсыз бузуп өтүп, райондогу айылдардын биринде жашырынып жүргөнү тууралуу маалымат түшкөн. Ыкчам-издөө иштеринин натыйжасында үч жаран кармалып, аларга карата Кылмыш-жаза кодексинин 378-беренеси боюнча кылмыш иштери козголду.

Мындан тышкары, чет өлкөлүк жарандарды чек арадан мыйзамсыз өткөрүүнү уюштурган адам аныкталып, ага карата мыйзамсыз миграцияны уюштуруу беренеси боюнча кылмыш иши козголду.

Учурда тергөө уланууда.

Автор: Замира Ниязбекова