Автобустагы ката социалдык тармактарда талкууланды (видео)

Бүгүн, 20-августта, Бишкекте шаардык автобустардын биринен ката байкалды. Бул тууралуу шаар тургундарынын бири социалдык тармакка видео жарыялаган.

Шанхай кызматташтык уюмунун (ШКУ) 2026-жылдагы саммитине арналган бренддик жасалгалоодо Кыргызстандын борборунун аталышы орус тилинде "Бишкет" деп туура эмес жазылып калган.

Эске салсак, буга чейин VI Дүйнөлүк көчмөндөр оюндарына жана Шанхай кызматташтык уюмунун (ШКУ) саммитине карата Бишкектеги автобустарга жана электробустарга түрдүү бренддик жасалгалар чапталган. Саммит 31-августта жана 1-сентябрда, ал эми Көчмөндөр оюндары 31-августтан 6-сентябрга чейин өткөрүлөт.