Бишкек мэринин жыйынында жаңы эки жетекчи дайындалды

Кечээ, 20-августта Бишкек мэриясы быйылкынын биринчи жарым жылдыгынын жыйынтыгы боюнча коллегиялык отурум өткөрдү.

Калаа бийлиги кабарлагандай, жыйынга шаар башчысы Айбек Жунушалиев төрагалык кылган. Ал борбор калаада отун-энергетика комплексиндеги иштин натыйжалуулугун жогорулатуу маанилүү экенин белгилеген. Ушуга байланыштуу кадрдык чечимдер кабыл алынган.

Натыйжада, "Бишкекжылуулуктармагы" муниципалдык ишканасынын директору болуп Нургазы Курманбеков дайындалган. Ал эми Бишкек шаарынын мэринин отун-энергетика комплекси боюнча орун басарынын милдетин аткаруучу кызмат ордуна Насипбек Керимов бекиген.

Автор: Кылымбек Бейшеев
Фото: Бишкек шаарынын мэриясы