Кыргыз ММА мушкерлери "MANGU" лигасынын командалык таймашында кубокту жеңишти

Кечээ, 24-августта Кыргызстандык ММА мушкерлери Өзбекстандын командасы менен болгон беттеште "MANGU" лигасынын кубогуна ээ болушту.

Уюштуруучулар билдиргендей, эки команданын жалпы эсеби 2:2 болгон. Бирок чечүүчү бешинчи беттешке чыгышы керек болгон өзбек мушкери салмактан өтө албай, кармашка катыша алган жок. Натыйжада "MANGU" лигасынын жетекчилиги кубокту Кыргызстандын командасына тапшырды.

Командалык таймашта кыргызстандык мушкерлер Уран Раимжанов, Урмат Кенжебек, Белек Айтикул уулу, Казат Алыбек уулу жана Магомед Исаев күч сынашты.

Маалымат үчүн: "MANGU" лигасы бул мушкерлер катышкан жекеме-жеке таймаштарды уюштурган спорттук лига. Анда ММА жана башка мушташ түрлөрү боюнча беттештер өткөрүлөт.