О! Мобилдик оператору – жаңы муундагы көчмөндөр үчүн технологиялык тандоо

VI Дүйнөлүк көчмөндөр оюндарына даярдык көрүүнүн алкагында, О! Мобилдик оператору өлкө боюнча телекоммуникациялык инфраструктураны бекемдөөдө. Тармактын кеңири масштабдагы бекемделиши катышуучулар, эл аралык делегациялар, ошондой эле жылдан-жылга сапаты жана ишенимдүүлүгү үчүн О! тандаган миллиондогон кыргызстандыктар үчүн жогорку сапаттагы байланышты камсыз кылууга багытталган.

О! компаниясынын техникалык командасы мелдеш өтө турган негизги жайларды, тактап айтканда, көз жоосун алган Кырчын жайлоосун, Ысык-Көл облусунун аянтчаларын жана борбордун башкы аренасы – «Бишкек Арена» стадионун даярдоого артыкчылык берип, өзгөчө көзөмөлгө алууда. Оператор түйүндү максималдуу күчөтүү үчүн бардык зарыл чараларды көрүүдө: LTE кубаттуулугу жогорулатылып, кошумча базалык станциялар орнотулуп, максималдуу жүктөмдө иштөө үчүн жабдуулар оптималдаштырылууда.

XXI кылымдагы санариптик көчмөндөр үчүн байланыш

Бүгүн О! — бул көчмөндөрдүн жаңы муунунун оператору: дүйнө жүзү боюнча саякаттап, мобилдүүлүгүн жана маалыматка туруктуу жеткиликтүүлүгүн сактап жүргөн санариптик адамдар. Чет элдик коноктор үчүн оператор eSIM аркылуу онлайн туташууну сунуштайт – бул кеңсеге барбастан, бир нече чыкылдатуу менен байланышты заматта активдештирүүгө мүмкүндүк берет. Мындан тышкары, жаңы номерди активдештиргенде ар бир колдонуучу О! жогорку ылдамдыктагы тармагынын бардык артыкчылыктарын дароо баалоо үчүн белекке 30 ГБ интернет алат.

Бул кантип иштейт:

«Мой О!» тиркемесин жүктөп алыңыз (муну үйдөн алдын ала же аэропорттон дароо эле жасоого болот).
«О!» абоненти бол» баскычын басып, паспорттук маалыматтарды көрсөтүп, каттоодон өтүңүз.
Номерди, тарифти тандап, ыңгайлуу ыкма менен төлөңүз.

Сиз eSIMди активдештирүү үчүн QR-код аласыз жана аны сканерлегенден кийин номер дароо иштей баштайт.

Дүйнөлүк көчмөндөр оюндары – бул маданияттын, күчтүн жана биримдиктин майрамы. О! уюлдук оператору Кыргызстандын ар бир коногу өзүн ыңгайлуу жана ишенимдүү сезиши үчүн, чоң иш-чаранын жаркын учурларын сактап калуу жана аларды бүткүл дүйнө менен бөлүшүү үчүн бардык зарыл нерселерди жасайт.

Кененирээк: o.kg. «НУР Телеком» ЖЧКсы. КР МТБМК алдындагы МБА лицензиялары: №16-0062-КР, №16-0063-КР.