УКМК 1 килограммдан ашык баңгизатын сатып жаткандарды колго түшүрдү

УКМК "Ооганстан–Тажикстан–Кыргызстан" багыты аркылуу баңгизаттарды жеткирүү жана сатуу менен алектенген топтун ишмердүүлүгүнө бөгөт койду. Бул тууралуу бүгүн, 28-августта атайын кызматтын маалымат борбору билдирди.

Маалым болгондой, ыкчам-издөө иш-чараларынын жүрүшүндө жалпы салмагы 1 килограмм 100 грамм болгон баңгизатты сатууга аракет кылып жатканда М.Д. жана Н.А. аттуу жарандар кармалды.

Алар УКМКнын убактылуу кармоочу жайына киргизилди. Учурда окуя боюнча тиешелүү тергөө жана ыкчам иш-чаралар улантылууда.

Автор: Замира Ниязбекова