Казакстандын парламентин эми Айбек Дадебай башкарат

Казакстандын жаңы бир палаталуу парламенти Курултайдын төрагалыгына "Адилет" партиясынын лидери Айбек Дадебай шайланды.

Чет элдик басылмалар билдиргендей, анын талапкерлигин президент Касым-Жомарт Токаев сунуштап, жашыруун добуш берүүдө 145 депутаттын баары колдоду.

Курултайдын төрагаларынын орун басарлыгына Нурлан Бекназаров, Дания Еспаева жана Динара Закиева шайланды. Алар үчүн 144 депутат добуш берген.

Эске салсак, Казакстанда 23-августта жаңы Конституцияга ылайык бир палаталуу парламентке өткөндөн кийинки Курултайга шайлоо өткөн. Жаңы парламентте жалпысынан 145 депутат бар.

Автор: Замира Ниязбекова