Көчмөндөр оюндарына бир нече тилде эркин сүйлөп блог алып барган Южи Белеза келет (видео)

Дүйнөгө белгилүү япониялык блогер Южи Белеза VI Дүйнөлүк көчмөндөр оюндарына катышуу үчүн Кыргызстанга келерин билдирди.

Блогер Түркияда жүргөн учурда кыргыз улуттук кийимин кийген кыздар менен жолугуп, кыргызча баарлашып, алар менен бирге "Кара жорго" бийлеген видеосун социалдык баракчасынан жарыялады.

"Эртең Дүйнөлүк көчмөндөр оюндарына барам. Кыргызстанда көрүшкөнчө!" - деп билдирүү калтырды ал.

Эскерте кетсек, Южи бир нече тилде эркин сүйлөгөнү жана дүйнөнүн ар кайсы өлкөлөрүн кыдырып, маданияттарды тааныткан видеолору менен белгилүү.