Бишкекке Монголиянын президенти Ухнаагийн Хурэлсух келди

Бүгүн, 30-августта Монголиянын президенти Ухнаагийн Хурэлсух Кыргызстанга жумуш сапары менен келди.

Президенттик администрациядан билдиргендей, аны "Манас" эл аралык аэропортунан министрлер кабинетинин төрагасы Адылбек Касымалиев тосуп алды.

Монголиянын президенти "ШКУ плюс" форматындагы жолугушууга жана VI Дүйнөлүк көчмөндөр оюндарынын ачылыш аземине катышат. Ага Кыргызстандын улуттук символу болгон илбирстин жана Көчмөндөр оюндарынын расмий символу белекке берилди.

Автор: Замира Ниязбекова