Кыргызстанда Шанхай кызматташтык уюмуна арналган атайын чоку пайда болот

"Ала-Арча" мамлекеттик жаратылыш паркында жайгашкан, бийиктиги 4050 метр бийиктикте жайгашкан чоку "Шанхай кызматташтык уюмунун чокусу" деп аталат.

Президенттин басма сөз кызматы билдиргендей, географиялык аталыш берүү тууралуу жарлыкка бүгүн, 1-сентябрда өлкө бпшчысы Садыр Жапаров кол койду.

Бул чечим ШКУнун түзүлгөнүнө 25 жыл толгонуна жана 2026-жылы уюмга мүчө мамлекеттердин башчыларынын кеңешинин Кыргызстанда өткөрүлүшүнө байланыштуу кабыл алынды. Эми Министрлер кабинети тиешелүү мыйзам долбоорун иштеп чыгып, Жогорку Кеңештин кароосуна киргизет.

Автор: Замира Ниязбекова