Кыргызстан менен Пакистан соода жүгүртүүнү 200 миллион долларга жеткирүүнү көздөөдө

Кыргызстан менен Пакистан эки өлкөнүн ортосундагы соода жүгүртүүнүн көлөмүн жакынкы эки жылда 200 миллион долларга чейин көбөйтүүгө макулдашты.

Бул тууралуу президент Садыр Жапаров менен Пакистандын премьер-министри Мухаммад Шахбаз Шарифтин сүйлөшүүлөрүнүн жыйынтыгында белгилүү болгонун президенттин басма сөз кызматы билдирди.

Макулдашуунун алкагында эки өлкөнүн тышкы иштер министрлери тиешелүү документке кол коюшту. Документ соода-экономикалык кызматташтыкты кеңейтүүгө жана эки өлкөнүн экономикалык потенциалын толук пайдаланууга багытталган.

Автор: Замира Ниязбекова