Кыргызстандын футбол боюнча Олимпиадалык курамасынын курамы белгилүү болду

Кыргызстандын футбол боюнча Олимпиадалык курамасы 2026-жылы Японияда өтө турган Азия оюндарына катышат. Курамды Надирбек Мамадалиев жетектейт. Ал команданын башкы машыктыруучусу болуп 25-августта дайындалды.

Азия оюндарында негизинен 23 жашка чейинки футболчулар ойногону менен андан улуу үч оюнчуну киргизе алат. Олимпиадалык курамга 25 футболчу кирди. Алардын арасында 23 жаштагы Християн Браузман жана 28 жаштагы Кай Мерк да бар.

Эскерте кетсек, Азия оюндары Японияда 19-сентябрдан 4-октябрга чейин өтөт. Кыргызстан тайпалык баскычта Таиланд, Япония жана Гонконгдун курамалары менен беттешет. Оюндар 16, 20 жана 23-сентябрда өтөт.

Автор: Замира Ниязбекова